TR  |  EN  |  RU
turkey turkey   azerbaijan kazakhstan kyrgyzstan turkmenistan uzbekistan kktc qha TAT BAŞQ
Ana Sayfa
Birlik Hakkında
Üye Haber Ajansları
Bildiri
Başkanın Mesajı
Tüzük
Haberler



Azerbaycan
BELÇİKANIN VƏ MACARISTANIN SƏFİRLƏRİ ULU ÖNDƏR HEYDƏR ƏLİYEVİN ABİDƏSİNİ ZİYARƏT ETMİŞLƏR
AzərTAc xəbər verir ki, Belçikanın və Macarıstanın Azərbaycanda yeni təyin olunmuş fövqəladə və səlahiyyətli səfirləri Filippe Jottard və Jeno Boros dekabrın 19-da Heydər Əliyev Sarayının qarşısındakı parkda ulu öndərin abidəsini ziyarət etmişlər. Diplomatlar xalqımızın ümummilli liderinin xatirəsini ehtiramla yad etmiş, abidənin önünə əklil qoymuşlar.
 
AZƏRBAYCAN PREZİDENTİ İLHAM ƏLİYEV ATƏT-İN BAKI OFİSİNİN RƏHBƏRİ XOSE LUİS HERRERO ANSOLANI FƏALİYYƏT MÜDDƏTİNİN BAŞA ÇATMASI İLƏ ƏLAQƏDAR QƏBUL ETMİŞDİR
Azərbaycan Respublikasının Prezidenti İlham Əliyev dekabrın 19-da ATƏT-in Bakı Ofisinin rəhbəri Xose Luis Herrero Ansolanı fəaliyyət müddətinin başa çatması ilə əlaqədar qəbul etmişdir.
Dövlətimizin başçısı ATƏT-in Bakı Ofisinin rəhbərinin Azərbaycandakı fəaliyyəti dövrünün ölkəmizin inkişafı və bütövlükdə region üçün əhəmiyyətli illər olduğunu vurğuladı və gələcək fəaliyyətində ona uğurlar arzuladı.
Xose Luis Herrero Ansola ölkəmizdəki fəaliyyətindən məmnun qaldığını bildirdi.
Görüşdə həmçinin Azərbaycanla ATƏT arasında əməkdaşlığın perspektivlərinə dair fikir mübadiləsi aparıldı.
 
AZƏRBAYCAN PREZİDENTİ İLHAM ƏLİYEV MACARISTANIN ÖLKƏMİZDƏ YENİ TƏYİN OLUNMUŞ FÖVQƏLADƏ VƏ SƏLAHİYYƏTLİ SƏFİRİ JENO BOROSUN ETİMADNAMƏSİNİ QƏBUL ETMİŞDİR

 

Azərbaycan Respublikasının Prezidenti İlham Əliyev dekabrın 19-da Macarıstan Respublikasının ölkəmizdə yeni təyin olunmuş fövqəladə və səlahiyyətli səfiri Jeno Borosun etimadnaməsini qəbul etmişdir.
Səfir Prezident sarayında fəxri qarovul dəstəsinin qarşısından keçdi.
Səfir Jeno Boros etimadnaməsini Prezident İlham Əliyevə təqdim etdi.
Sonra Azərbaycan Prezidenti səfirlə söhbət etdi.
Səfir Jeno Boros Macarıstanın Prezidenti Laslo Şoyomun və Baş nazir Ferents Dyurçanın salamlarını dövlətimizin başçısına çatdırdı. Ölkəmizə səfir təyin olunmasından məmnunluğunu bildirən diplomat dövlətimizin başçısını əmin etdi ki, səfirlik fəaliyyəti müddətində əlaqələrimizin daha da möhkəmlənməsi işində öz səylərini əsirgəməyəcəkdir.
Macarıstana səfərini məmnunluqla xatırlayan dövlətimizin başçısı həmin səfərin çox uğurlu və məhsuldar olduğunu bildirdi. İkitərəfli münasibətlərin inkişaf etdirilməsində yüksək səviyyəli qarşılıqlı səfərlərin əhəmiyyətini qeyd edən Prezident İlham Əliyev ölkələrimiz arasında müxtəlif sahələrdə əməkdaşlığı genişləndirmək üçün böyük potensialın mövcudluğunu vurğuladı. Səfirə fəaliyyətində müvəffəqiyyətlər arzulayan Prezident İlham Əliyev ümidvar olduğunu bildirdi ki, o, ölkəmizdəki diplomatik fəaliyyəti müddətində qarşılıqlı əlaqələrin daha da genişləndirilməsi işində öz xidmətlərini göstərəcəkdir.
Dövlətimizin başçısı Macarıstan Prezidenti Laslo Şoyomun və Baş nazir Ferents Dyurçanın salamlarına görə minnətdarlığını bildirdi, özünün də salamlarını Macarıstanın Prezidentinə və Baş nazirinə çatdırmağı xahiş etdi.
 
İĞDIRDA "ERMƏNİLƏR TÜRK MİLLƏTİNDƏN ÜZR İSTƏSİNLƏR" KAMPANİYASI BAŞLAMIŞDIR

Xəbər verildiyi kimi, bir qrup Türkiyə ziyalısı İnternetdə "Ermənilərdən üzr istəyirəm'' kampaniyası başlamışdır.
İğdırlı jurnalist həmkarımız Sərdar Ünsal AzərTAc-a bildirmişdir ki, bu kampaniya həmyerliləri-erməni qırğınına məruz qalmış bir nəslin nəvələri tərəfindən hiddətlə qarşılanmışdır. Onun sözlərinə görə, şəxsiyyət vəsiqələrində Türkiyə Cümhuriyyəti yazılmış, lakin ürəkləri ermənilər üçün atan həmin "ziyalılara" cavab olaraq vətəni təmənnasız sevənlər www.igdirim76.com internet saytında "Ermənilər türk millətindən üzr istəsinlər" adlı anket və imza kampaniyası təşkil etmişlər. Sərdar Ünsal demişdir: "Kampaniya İğdırda geniş şəkildə aparılacaqdır. İnternet səhifəsini isə İğdırdan kənarda yaşayan soydaşlarımız üçün açmışıq. Əminik ki, vətənpərvərvər iğdırlılar səs verməklə yanaşı, məskunlaşdıqları ölkələrdə imza kampaniyası təşkil edib nəticəni bizə göndərəcəklər. Bu gün erməni qırğınına məruz qalmış bir nəslin nəvələrinin birləşmə günüdür. Ermənilər 1918-1920, 1990-1992-ci illərdə Türkiyə və Azərbaycanda törətdikləri qırğınlardan ötrü türk millətindən və Azərbaycan xalqından üzr istəməlidirlər. Vətən bayraqdır deyənlər, "Ermənilər türk millətindən üzr istəsinlər" kampaniyasına dəstək verin".

 

 
AZƏRBAYCAN PREZİDENTİ İLHAM ƏLİYEV BELÇİKANIN ÖLKƏMİZDƏ YENİ TƏYİN OLUNMUŞ FÖVQƏLADƏ VƏ SƏLAHİYYƏTLİ SƏFİRİ FİLİPPE JOTTARDIN ETİMADNAMƏSİNİ QƏBUL ETMİŞDİR
Azərbaycan Respublikasının Prezidenti İlham Əliyev dekabrın 19-da Belçika Krallığının ölkəmizdə yeni təyin olunmuş fövqəladə və səlahiyyətli səfiri Filippe Jottardın etimadnaməsini qəbul etmişdir. Səfir Prezident sarayında fəxri qarovul dəstəsinin qarşısından keçdi. Səfir Filippe Jottard etimadnaməsini Prezident İlham Əliyevə təqdim etdi. Sonra Azərbaycan Prezidenti səfirlə söhbət etdi. Dövlətimizin başçısı ölkələrimiz arasında ikitərəfli münasibətlərin yaxşı səviyyədə olduğunu bildirdi. Prezident İlham Əliyev qarşılıqlı əlaqələri müxtəlif istiqamətlərdə, o cümlədən iqtisadi sahədə inkişaf etdirmək üçün geniş imkanların mövcudluğunu qeyd etdi. Azərbaycanla Avropa İttifaqı arasında əməkdaşlığa toxunan Prezident İlham Əliyev bu əməkdaşlığın uğurla inkişaf etdiyini vurğuladı. Səfirə fəaliyyətində müvəffəqiyyətlər arzulayan dövlətimizin başçısı ümidvar olduğunu bildirdi ki, onun ölkəmizdə fəaliyyəti əlaqələrin daha da genişlənməsinə töhfə verəcəkdir. Filippe Jottard səfir kimi ölkəmizdə fəaliyyət göstərməsindən məmnunluğunu bildirdi. O, dövlətimizin başçısını əmin etdi ki, səfirlik fəaliyyəti müddətində Azərbaycan-Belçika və Azərbaycan ilə Avropa İttifaqı arasında əlaqələrin daha da möhkəmlənməsi işində öz səylərini əsirgəməyəcəkdir.
 
<< Başlat < Önceki 1711 1712 1713 1714 1715 1716 1717 1718 1719 1720 Sonraki > Son >>

Sayfa 1711 > 1744
  TKA 2008