TR  |  EN  |  RU
turkey turkey   azerbaijan kazakhstan kyrgyzstan turkmenistan uzbekistan kktc qha TAT BAŞQ
Ana Sayfa
Birlik Hakkında
Üye Haber Ajansları
Bildiri
Başkanın Mesajı
Tüzük
Haberler



Ğalimä Çulpan Zarif-Çetin töreklärne tatar ğoref-ğadätläre belän tanıştıra
(İstanbul, 20 fevral', “Tatar-inform”, Ruşaniä Altay). Ber millätne millät itüçe faktorlarnıñ berse tel bulsa, ikençese, hiçşiksez, ğoref-ğadätlär. Tege yäki bu xalıqnıñ ütkäne dä, bügengese dä milli traditsiälärdä açıq çağıla. Şuña da tarixçı ğalimnärneñ kübese millätlärneñ ğoref-ğadätlären öyränügä zur iğtibar birä. Ğomumän, teläsä nindi ğadi xalıq öçen çit-yat qawemneñ milli üzençälekläre bik qızıqlı. Ä tatarlar belän töreklär arasında milli ğoref-ğadätlärdä oxşaşlıqlar bulğan kebek, şaqtıy ayırmalı üzençäleklär dä bar.
Äle küptän tügel genä Törkiädä yäşäp icat itüçe şağirä, şul uq waqıtta ädäbiät ğalime, Muğla universitetı dotsentı Çulpan Zarif-Çetinnıñ “Tatar törekläreneñ ğoref-ğadätläre” digän kitabı dönya kürde. Törek telendä çıqqan bu basma tatar xalqınıñ ğasırlardan ğasırlarğa küçä kilgän, qayberläre inde tarix qatlamı astında qalğan, ä qaysıları äle bügen dä totıla torğan milli cäwhärlären törek xalqına tanıta. Kitapnıñ berençe öleşe yıl fasılları belän bäyle ğoref-ğadätlärne üz eçenä alsa, ikençe öleşendä ğailä traditsiäläre qalämgä alınğan. Yıl fasılları ğoref-ğadätläre bularaq avtor Näwrüz, Boz ozatu, Saban tuyı, Narduğan, Awlağöy, Yañğır botqası, Cıyın, Peçängä töşü, Uraq öste, Qaz ömäse, Tula basu, Soldatqa ozatu, Kiç utıru, törle ömälär kebek häm küñel açuğa, häm xezmätkä bağışlanğan çaralarnı añlatqan. Ğailä traditsiäläre bülegendä bala tuu, isem quşu, sönnätkä utırtu, iske ğadätlär buyınça tuy uzdıru, yañaça tuy mäclesläre, cenaza ğadätläre urın alğan. 160 bittän torğan kitap qazan tatarlarınıñ ğına tügel, qasım, mişär, keräşen tatarları kebek etnik törkemnäreñ milli traditsiälären dä bik qızıqlı tel belän uquçığa citkerä. Temalar törle fotografiälär belän bayıtılğan.
Tatar xalqınıñ ğoref-ğadätläre turında mondıy kitap Törkiädä täwge tapqır çığa. Anda millätebezneñ tarixi uzğanın ğına tügel, mentalitetın, sänğati talantın, xezmät söyuçänlegen ifrat bay häm ütä mäğnäle traditsiälärebez aşa tanu mömkinlege birelgän.
 
  TKA 2008