TR  |  EN  |  RU
turkey turkey   azerbaijan kazakhstan kyrgyzstan turkmenistan uzbekistan kktc qha TAT BAŞQ
Ana Sayfa
Birlik Hakkında
Üye Haber Ajansları
Bildiri
Başkanın Mesajı
Tüzük
Haberler



TR möselmannarı Diniä näzäräte qarşındağı “Xäläl” komitetı delegatsiäse Perm kraenda buldı
(Qazan, 28 noyabr', “Tatar-inform”). Tatarstan möselmannarı Diniä näzäräte qarşında eşläwçe “Xäläl” komitetı delegatsiäse Perm kraenda vizit belän buldı. Biredä TR möselmannarı Diniä näzäräteneñ komitet başlığı İlnur Ğaynullin citäkçelegendäge wäkilläre kray Xökümäte ministrı Marat Bimatov belän oçraştı.
Oçraşu barışında “xäläl” standartın kraynıñ maxsuslaştırılğan predpriätielärendä kertügä bäyle problemalar xaqında fiker alışındı. Monnan tış, Tatarstan qunaqları Qama buyı möselmannarı Diniä näzäräte eşlekleläre belän oçraştı.
Perm krae möselmannarı Diniä näzäräte räise Möxämmätğali Xucin söylägänçä, “Xäläl” komitetı wäkilläre Perm kraena cirle möftiät belän üzara mönäsäbätlärne cayğa salu öçen barğan. Alğa taba möselman oyışmaları üz töbäklärendä çığarıluçı xäläl produksiäne berdäm standartqa turı kiterüdä bergäläp eşläwne cayğa salırğa niätli.
“Bez niätlär turındağı berketmägä qul quyu turında kileştek, şunnan soñ “xäläl” produksiäsen berdäyläşterü eşendä xezmättäşlek itügä kereşäçäkbez. Tatarstannıñ bu ölkädä täcribäse zur, ayırım alğanda, respublikada mondıy tördäge produksiä çığaruçı predpriätielär az tügel. Bezneñ fikerebezçä, “xäläl” standartları böten ildä ber törle bulırğa tieş”, - dip sanıy ul. “Bez şulay uq Perm'neñ xäläl produksiä citeşterüçeläre - Tatarstan bazarına, ä Tatarstan citeşterüçeläre Qama buyı bazarına ütep kerer dip ömetlänäbez”, - dide Möxämmätğali Xucin.
İskärtep uzabız, xäzerge waqıtta Perm kraenda xäläl produksiä çığaruçı berniçä predpriätie bar. Ayırım alğanda, alarnıñ berse – Könger şähärendä, ä qalğannarı Perm krae başqalasında eşli, dip xäbär itelä TR möselmannarı Diniä näzäräteneñ räsmi saytında.
 
  TKA 2008