TR  |  EN  |  RU
turkey turkey   azerbaijan kazakhstan kyrgyzstan turkmenistan uzbekistan kktc qha TAT BAŞQ
Ana Sayfa
Birlik Hakkında
Üye Haber Ajansları
Bildiri
Başkanın Mesajı
Tüzük
Haberler



Tatarstan saylaw komissiäläre saylawlarğa äzerlek eşlären tögälli
(Qazan, 26 fevral', “Tatar–inform”, Aliä Sabirowa). Bügenge köndä Tatarstannıñ barlıq saylaw komissiäläre dä dürtençe çaqırılış TR Däwlät Sovetı deputatların saylawlarğa äzer. Bügen moña Qazannıñ İdel buyı territorial' okrugında bulğan jurnalistlar da üz küzläre belän kürep inandı.
Fevral'neñ soñğı atnası – territorial' häm uçastok komissiälären saylawlarnı ütkärügä äzerläw buyınça soñğı etap. Pänceşämbe–comğa könnärendä saylaw uçastoklarına tawış birüne oyıştıru öçen kiräkle barlıq cihazlarnı kiteräçäklär. 28 fevral'dä barlıq 2895 saylaw uçastogınıñ da saylawlarğa äzerlege häm qurqınıçsızlığı tikşereläçäk. İskärtep uzabız, saylawlarğa äzerlek eşlären TR Üzäk saylaw komissiäse belän berlektä, 65 territorial' saylaw komissiäse dä başqara, alarnıñ 35 yenä okrug komissiäläre funksiäse yöklängän. Qazanda 448 uçastok komissiäse formalaştırılğan.
Qazannıñ İdel buyı rayonı territorial' saylaw komissiäse räise German Razdrogovnıñ süzlärenä qarağanda, territorial' komissiälärneñ töp burıçı – grajdannarnıñ saylawlarğa bulğan xoquqın ğamälgä aşıru. Xäzerge waqıtta uçastoklarnıñ 1 martqa metodik–texnik häm saylawçılarnıñ iminlegen tä'min itü yağınnan äzerlege tikşerelä. Şulay uq personalnıñ äzerlegen tikşerügä dä zur iğtibar birelä.
“Respubliqa uçastok saylaw komissiäläre saylawçılarnıñ isemlegenä tögällek kertä, uçettan töşerü tanıqlıqları birä, saylawçılarğa tawış birüdä qatnaşu öçen çaqıru käğäzläre öläşä”, – dip açıqlıq kertte G.Razdrogov. İdel buyı territorial' komissiäse xaqında söylägändä, ul eşneñ Gabişev, Şalyapin häm Tawlar okrugları buyınça alıp barıluın assızıqladı.
Territorial' saylaw komissiälärenä saylaw byulleten'näre tapşırılğan, alar saylaw uçastoklarına tawış birü köne aldınnan kitereläçäk, uçastok saylaw komissiäläre mäğlümati plakatlar belän tä'min itelgän, alarda kandidatlar häm zakonda qaralğan başqa törle mäğlümat urın alğan.
Monnan tış, jurnalistlar 289нчы nomerlı uçastok saylaw komissiäseneñ eşe belän dä tanıştı. Biredä uçettan töşerü tanıqlıqları birü häm tawış birüneñ töp qağidälären añlatu buyınça aktiv eş alıp barıla. Älege uçastok komissiäseneñ räise Tat'yana Sarayıwa bilgeläp ütkänçä, bügenge köndä 23 uçettan töşerü tanıqlığı birelgän.
Üz çiratında, Qazan buyınça Eçke eşlär idaräseneñ cämäğät iminlege militsiäse başlığı Sergey Çankin bilgeläp ütkänçä, saylawlarğa äzerlek eşläre berdäm tawış birü könenä bik küp aldan başlanğan. Tikşerü qısalarında saylaw uçastokları öçen bülep birelgän barlıq obyektlar küz uñınnan ütkärelgän, Tatarstan Respublikası buyınça Eçke eşlär ministrlığınıñ koordinatsiä üzäge oyıştırılğan.
Ul şulay uq respublikada plan buyınça “Parad” operativ–kisätü çarası ütkärelüe xaqında xäbär itte. Elegräk xökemgä tartılğan keşelär maxsus küzätü astına alınğan. 28 fevral'dä barlıq obyektlarnı da qabat tikşeräçäklär.
 
  TKA 2008