TR  |  EN  |  RU
turkey turkey   azerbaijan kazakhstan kyrgyzstan turkmenistan uzbekistan kktc qha TAT BAŞQ
Ana Sayfa
Birlik Hakkında
Üye Haber Ajansları
Bildiri
Başkanın Mesajı
Tüzük
Haberler



Tatarstanda saylawçılarnıñ 78,44 protsentı tawış birüdä qatnaşqan
(Qazan, 2 mart, “Tatar–inform”). Tatarstanda dürtençe çaqırılış TR Däwlät Sovetı deputatların saylawlarda tawış birü byulleten'nären eşkärtü tämamlandı diärlek. Bu xaqta RF Üzäk saylaw komissiäse tarafınnan oyıştırılğan selektor kiñäşmäse barışında Tatarstan Üzäk saylaw komissiäse räise Anatoliy Fomin belderde.
Xäzerge waqıtta saylaw uçastoklarında 2895 berketmäneñ 99,83 protsentı eşkärtelgän.
Tatarstanda terkälgän saylawçılarnıñ 78,44 protsentı tawış birüdä qatnaşqan.
Partiä isemlekläre buyınça “Berdäm Rossiä” (79,51 protsent), KPRF (11,1), LDPR (3,05) häm “Ğadel Rossiä/Pensionerlar/Tormış” (4,73) partiäläre iñ küp tawış cıyğan.
Şul räweşçä, Anatoliy Fomin bilgeläp ütkänçä, respubliqa parlamentına ike partiä – “Berdäm Rossiä” häm KPRF ütä, alar, başlanğıç mäğlümatlarğa qarağanda, 44 häm 6 deputat mandatı alaçaq.
Bermandatlı okruglar buyınça tawış birügä kilgändä, “Berdäm Rossiä” partiäsennän kandidatlar – 50 mandatnıñ 42сен, üz–üzlären kandidat itep kürsätüçelär 7 mandat ala.
Anataloy Fomin Tatarstanda saylawlarnıñ zakon nigezendä uzuı xaqında xäbär itte. Saylawlarda 13 meñ küzätüçe (şul isäptän Xalıqara küzätüçelär) eşlägän.
Anatoliy Fomin şulay uq saylaw komissiäläreneñ tawış birergä kilä almawçılar belän yaxşı eşläwen bilgeläp ütte. 100 meñ keşe öylärendä tawış birgän.
TR Üzäk saylaw komissiäse räiseneñ süzlärenä qarağanda, saylawlar barışında kimçeleklär küzätelmäde, tawış birü protsedurasınıñ qayber texnik üzençälekläre buyınça ğına täqdimnär buldı.
 
  TKA 2008